Theme images by kelvinjay. Powered by Blogger.

Slider

Recent Tube

देश

प्रविधि

कला साहित्य

विदेश

खेल

फेसन


काठमाडौ– मोबाइल सेवा प्रदाय कम्पनी स्मार्ट टेलिकम प्रालिद्धारा अर्बौ रकम अपचलन गर्न लागेको समाचार प्राप्त भएको छ । स्मार्टले चिनिया कम्पनी जेटिइ कर्पोरेसनसँग टेलिकम सम्बन्धी विभिन्न उपकरणहरु खरिद गर्दा बास्तवितक मुल्य १० करोड ६० लाख रुपैयाँ पर्ने उपकरणमा ४ अर्ब १३ करोड ३९ लाख ९० हजार ४ सय ६० रुपैयाँ भुक्तानी गरि अर्बौ  मुद्रा अपचलन गर्न लागेको स्रोतले बताएको छ । स्मार्ट र जेटिइबीच टेलिकमका सामग्री आयत गर्न असारमा  सम्झौता गरेको स्रोतको बताएको छ ।

सामान आयत गर्न नेपाल इन्भेष्टमेन्ट बैंकमा प्रतितपत्र(एलसी) समेत खोलिएको थियो ।  तर सामान आउनु पूर्व नै जेटिई कर्पोरेसनलाई ३ करोड ९ लाख ९९ हजार ९ सय १० (अमेरिकी डलर) अर्थात नेपाली रुपैयाँ ४ अर्ब २३ करोड ९९ लाख ९० हजार ४ सय ६० रुपैयाँ भुक्तानी दिइसकेको स्रोतको भनाइ छ । टेलिकमका सामान आयत गराउनु पूर्व सरकारी विभिन्न निकायहरुबाट आयत गरिने सामानको पूर्व स्वीकृत गराउनु पर्ने हुन्छ  । तर स्मार्टले ती सामानको स्वीकृति समेत नगराई बैंकमा एलसी खोलेर सामान आयतको प्रक्रिया सुरु गरेको स्रोतको भनाइ छ ।

स्मार्ट टेलिकमले टेलिकमसम्बन्धी सामाग्री आयतका लागि  संचारमन्त्रालयमा कुनै पनि पत्र पेश नगरेकोे मन्त्रालयले बताएको छ  । नेपाल दुरसञ्चार प्राधिकरणले भने स्मार्ट र जेटिइले आयत गर्न लागेको सामानहरुको विषय अनुसन्धान गरेपछि मात्र थाहा हुने बताएको छ । यता स्मार्ट र जेटिइबीचमा भएको सामान आयतको सम्झौतामा सरकारी निकायको आँखामा छारो हाल्न ३१ वटा  सामानको सूची देखाइएको छ । स्मार्ट टेलिकमका प्रवक्ता पवन शाक्यले भने स्मार्ट र जीटिइबीच सामान आयत गर्न  सम्झौता भएको छ ।

 तर सम्झौता बमोजिम सामान ल्याउने प्रक्रिय सुरु मात्र गरिएको बताएका छन् । उनका अनुसार सामान आयतका लागि संचारमन्त्रालयमा स्वीकृतिका लागि निवेदन पेश गरेएको जानकारी दिएका छन् । जेटिई कर्पोरेसनलाई सामान आयत गर्नु पूर्व भुक्तानी गरेको विषयमा भने उनले यो सम्झौतासँग सम्बन्धीत बीलको भुक्तानी नभएको बताए ।

बैंकिङ प्रणालीका लागि यो तरिका निकै नै जोखिमपूर्ण रहेको र नेपाली रुपैयाँ विदेशमा पठाइनु नेपालका लागि नै घाटा हुने अर्थविज्ञहरुको ठहर छ । जसले नेपाललाई विकासको काममा नभइ विनास निम्त्याउने समेत विज्ञहरुको दाबी छ ।

यस्तै घटना अर्को एक पोलिमर नोट छपाइ काण्ड पनि हो । नोट छपाइको जिम्मा अष्ट्रेलियाली कम्पनीलाई दिलाउने क्रममा घोटाला भएको रहस्य बाहिर आएपछि यो विषय अख्तियार दुरुपयोग अनुसन्धान आयोगमा पुगेको थियो । अख्तियारले सो प्रकरणमा नेपाल इन्भेष्टमेण्ट बैङ्क र राष्ट्र बैङ्कका कर्मचारीहरूमाथि समेत छानबिन थालेको थियो । छानविन थालेपनि उक्त फाइल तामेलीमा राखेको लामो समय भइसक्दा पनि अनुसन्धान अघि नबढ्नु रहस्यमय भएको जानकारहरू बताउँछन् । 

«
Next
Newer Post
»
Previous
Older Post

No comments:

Leave a Reply