Theme images by kelvinjay. Powered by Blogger.

Slider

Recent Tube

देश

प्रविधि

कला साहित्य

विदेश

खेल

फेसन

काठमाडौं– पूर्व–प्रधानमन्त्री तथा नयाँ शक्ति नेपालका संयोजक डा.बाबुराम भट्टराईले चौथो सातामा प्रदर्शनरत नेपाली चलचित्र ‘जात्रा’ हेरेका छन् । काठमाडौंको सुन्धारास्थित सिभिल मलको क्युएफएक्स सिनेमा हलमा पत्नी हिसीला यमी, नयाँ शक्ति नेपालकी सदस्य तथा अभिनेत्री करिश्मा मानन्धर र आफ्ना दलबल सहित डा.भट्टराईले ‘जात्रा’ फिल्म हेरेका हुन् ।

प्रदीप भट्टराई निर्देशित ‘जात्रा’ समाजको सजिव चित्रण रहेको डा.भट्टराईले टिप्पणी गरे । उनले भने, ‘समाजमा आर्थिक रुपको जुन खालको विपन्नता छ । र, त्यो कारणले राज्य सत्तामा जुन खालको विसंगती छ । आज कसैले कसैमाथि विश्वास गर्न नसक्ने वातावरण छ । त्यसको सजिव चित्रण फिल्मले दिएको छ ।’ यस्तै बाबुराम पत्नी यमीले ‘जात्रा’ ले आफुलाई गम्भिर बनाएको बताइन् । उनले भनिन् ‘कन्टेन्ट र एक्टिङ हेर्ने हो भने यसले एसियामै अवार्ड पाउनु पर्ने हो ।’ यता अभिनत्री मानन्धरले हाँसो र रोनदयुक्त फिल्म भनी व्याख्या गरिन् । ‘जात्रा नहेरेको भए मैंले राम्रो फिल्म छुटाउने रैछु’ करिश्माले भनिन् । फिल्म हेरेपछि बाबुराम, हिसिला र करिश्माले निर्देशक भट्टराई र कलाकार तथा निर्माता बाँनियासँग केही समय भलाकुसारी समेत गरेका थिए । रविन्द्रसिंह बाँनिया निर्मित फिल्म ‘जात्रा’ मा कलाकार विपिन कार्की, रविन्द्र झा, निर्माता बाँनिया र नायिका बर्षा राउतको मुख्य भूमिका रहेको छ ।

रिलिज भई सफलताकासाथ प्रदर्शनरत फिल्म ’जात्रा’को हालसम्मको विजनेस रिपोर्ट सार्वजनिक भएको छ । फिल्म वितरणको अधिकार लिएको पपकर्न पिक्चर्सले फिल्मको २१ दिने (तीन हप्ताको) विजनेस सार्वजनिक गरेको हो । पपकर्न पिक्चर्सको तर्फबाट माधव वाग्लेले दिएको विवरण अनुसार शुक्रबारबाट प्रदर्शनको चौथो हप्ता प्रवेश गरेको फिल्मले अहिलेसम्म २ करोड १९ लाख ९ हजार तीन सय १५ रुपैयाँको (ग्रस) विजनेस गरेको छ । मल्टिप्लेक्स तथा सिंगल थियटरबाट फिल्मले यो आम्दानी गरेको हो । 

फिल्मले यो शुक्रबारबाट थप ६ हल पाएको छ । भने मल्टिप्लेक्समा पनि विजनेस राम्रो गरिरहेको छ । प्रदिप भट्टराई निर्देशित फिल्मले यो हप्ता अन्य ठूला फिल्म प्रदर्शनमा नआउनु अनि  गत हप्ता रिलिज फिल्म ‘पुरानो डुङ्गा’को नेगेटिभ वर्ड अफ माउफले खस्किँदो शो र घट्दो दर्शकको पनि फाइदा जात्रालाई हुन पुगेको छ ।

«
Next
Newer Post
»
Previous
Older Post

No comments:

Leave a Reply