Ticker

6/recent/ticker-posts

चिनियाँ कम्पनीद्धारा पश्चिम सेती आयोजनाको विस्तृत तथ्यांक माग

काठमाडौ,माघ ।
सरकारले भनेअनुसार ७५० मेगावाटमै डिजाइन गर्न चाइना थ्री गर्जेज इन्टरनेसनल कर्पोरेसन (सीटीजीआईसी)ले आयोजना सम्बद्ध तथ्यांक आफूसित नभएकाले तत्काल उपलब्ध गराउन लगानी बोर्डलाई पत्राचार गरेको छ ।
अघिल्लो मंगलबार सीटीजीआईसीसित भएको बैठकमा उसले जलाशययुक्त आयोजनाको जडित क्षमता ६ सय मेगावाट हुने र सुक्खायाममा उत्पादन हुने ऊर्जा ३१ प्रतिशतमात्र हुने प्रस्तुति गरेपछि सरकारले पुरानो सहमतिअनुसार गर्न आग्रह गरेको थियो ।
सीटीजीआईसीले पश्चिम सेतीको विस्तृत र अद्यावधिक अध्ययन पूरा गरी प्रतिवेदन तयार गर्न अत्यावश्यक तथ्यांक आफूसित नभएको गुनासो गरेको छ । विद्युत् प्राधिकरणसित २५ प्रतिशत पुँजी (इक्विटी) लगानी गर्ने सम्झौता गरेको भोलिपल्टै सीटीजीआईसीले लगानी बोर्डका प्रमुख कार्यकारी अधिकृत महाप्रसाद अधिकारीलाई पत्र लेख्दै‘जलाशययुक्त पश्चिम सेती विकासका लागि तत्काल आवश्यक सूचना’ माग गरेको हो ।

Post a Comment

0 Comments