Ticker

6/recent/ticker-posts

भानुभक्तसम्बन्धी अनुसन्धानात्मक कृति प्रकाशित

काठमाडौं– संस्कृत तथा नेपाली भाषाका विद्वान् शिवराज आचार्य कौण्डिन्न्यानद्वारा सम्पादित ‘भानुभक्तकृत भाषारामायण पुस्तक’ प्रकाशित भएको छ । पुस्तकमा भानुभक्तको सातै काण्ड रामायणका साथै उनका अन्य सम्पूर्ण कृति समावेश छन् ।

सम्पादक कौण्डिन्न्यायनकै भनाइमा झण्डै ५० वर्ष लगाएर खोजी गरिएका सामग्रीलाई पुस्तकाकार दिइएको हो । रामायणका विषयमा अहिलेसम्म भएका सबै कामको समीक्षा गर्दै पाठ समीक्षात्मक संस्करण ६ वर्ष अघि तयार भएको सो पुस्तकको सरलीकृत लोकानुकूल संस्करण हालै प्रकाशित भएको हो ।

पुस्तकमा भानुभक्त आचार्य (वि.सं.१८७१—१९२५) को संक्षिप्त जीवनीका साथै भक्तमाला, प्रश्नोत्तरमाला, वधूशिक्षा र फुटकर कविता पनि समेटिएका छन्। पुस्तकमा भानुभक्तले प्रयोग गरेका कठिन शब्दहरूको अर्थ र सबै श्लोकहरुका पाउहरूको अकारादि सूची पनि समावेश गरिएको छ ।

लेखकको लामो भूमिकामा भानुभक्तकृत भाषारामायणको धार्मिक, दार्शनिक, साँस्कृतिक, भाषिक, साहित्यिक महत्त्वको प्रतिपादन गर्नुका साथै नेपाली राष्ट्रियताको रक्षाका लागि रामायणको सार्थक प्रचारको आवश्यकता पनि देखाइएको छ । पुस्तक सांग्रिला पुस्तक प्रालिले प्रकाशनमा ल्याएको हो ।

Post a Comment

0 Comments