Theme images by kelvinjay. Powered by Blogger.

Slider

Recent Tube

देश

प्रविधि

कला साहित्य

विदेश

खेल

फेसन

काठमाडौं, फागुन । प्रहरी प्रमुख नियुक्ति प्रकरणमा सरकारकालाई आफ्नो पक्ष प्रस्तुत गर्ने अनिवार्य अवसर नै नदिई प्रधान न्यायाधीश सुशीला कार्कीलाई पेसी तय गरेकोमा त्यसप्रति महान्याधिवक्ता रमनकुमार श्रेष्ठले इजलाससमक्ष गम्भीर आपत्ति जनाएका छन् ।

आईजीपी नियुक्तिका लागि जयबहादुर चन्दको सिफारिस निर्णयपछि जेष्ठताअनुरुप नभएको भन्दै त्यसलाई रोक्न माग राखेर अधिवक्ता कपिलदेव ढकालले दायर गरेको रिटमा सुनुवाइको सूचनाविनै छलफलका लागि पेसी तय गरिएको भनी महान्यायाधिवक्तालगायत सरकारी वकिलले आपत्ति जनाएपछि आइतबारसको सुनुवाई रोकिएको हो ।

सरकारले सिफारिसको निर्णय नगर्दैं ढकालले २८ माघमा एउटा र निर्णयपछि १ फागुनमा अर्को रिट दिएका थिए । अघिल्लो रिटमा चन्द र प्रहरी प्रधान कार्यालयलाई विक्षी बनाइएको थिइन भने दोस्रो पूरक निवेदनमा विपक्ष बनाइएको थियो ।

नयाँ विपक्षी थपिएको अवस्थामा पूरक रिटमा सुनुवाइको मौकासमेत नदिई अन्तरिम आदेश भएको र एक्कासि छलफलका लागि पेसी तय भएको भन्दै सरकारी वकिलले आपत्ति जनाएका थिए ।


प्रधानन्यायाधीश सुशीला कार्कीद्वारा आईजीपी प्रकरणमा अधिवक्ता ढकाल र डीआईजी नवराज सिलवालले दिएको रिटमा सुनुवाइका लागि न्यायाधीश हरिकृष्ण कार्की र ईश्वरप्रसाद खतिवडाको संयुक्त इजलास गठन भएको थियो । महान्यायाधिवक्ता रमनकुमार श्रेष्ठ, नायब महान्यायाधिवक्ता दुर्गाबन्धु पोखरेल, खगराज पौडेल र किरण पौडेलले पूरक रिटको सुनुवाइमा जानकारीसमेत नपाएको भन्दै आइतबारको बहसपैरवी रोक्न इजलाससमक्ष माग गरेका थिए ।

‘जुन दिन पूरक निवेदन दायर भएको छ, त्यसै आधारमा त्यही दिन निर्णय रोक्न अल्पकालीन अन्तरिम आदेश भएको छ । पूरक निवेदनको पेसी पनि चढेको छैन’, इजलाससमक्ष महान्यायाधिवक्ता श्रेष्ठले आपत्ति जनाउँदै भने, ‘विपक्षी बनाइएका चन्द र महान्यायाधिवक्ताको कार्यालयलाई समेत जनाउ नदिएको अवस्था छ । यस्तो अवस्थामा बहस गर्न सक्ने अवस्था रहँदैन । प्रतिवादको मौका दिइनुपर्छ ।’

सरकारी वकिलले सुनुवाइको विधि र प्रक्रियालाई लिएर प्रश्न उठाएपछि इजलासले रिटमा विपक्षी बनाइएका चन्दलाई पूरक निवेदनको प्रतिलिपिसहित सात दिनको समय दिएर प्रतिवाद गर्न जनाउ दिन र पूरक निवेदन तथा विपक्षीको जानकारीलगायत आवश्यक कारबाहीका लागि महान्यायाधिवक्तालाई जानकारी दिन आदेश भएको छ । ‘यसमा सुरु निवेदनमा विपक्षी नबनाइएका जयबहादुर चन्दलाई ०७३/११/१ मा परेको पूरक निवेदनमा विपक्षी बनाएको देखियो । उक्त पूरक निवेदनलाई समेत ग्रहण गरी मिति ०७३/११/१ मा यस अदालतबाट अल्पकालीन अन्तरिम आदेश जारी भएकोसमेत पाइयो’, विपक्षी बनाइएका चन्द र महान्यायाधिवक्ता कार्यालयले सूचना नपाएको सन्दर्भ उल्लेख गर्दै आदेशमा भनेको छ ।

१ फागुनमा प्रधानन्यायाधीश कार्कीको एकल इजलासले दोस्रो पूरक निवेदनलाई समेत आधार मान्दै दुबै पक्षको छलफलबाट अन्तरिम आदेश जारी हुने वा नहुने सम्बन्धमा निष्कर्षमा नपुगेसम्मका लागि चन्दको नियुक्ति सम्बन्धमा भएका सम्पूर्ण काम–कारबाही यथास्थितिमा राख्न अन्तरिम आदेश जारी गरेको थियो । उक्त प्रकरणमा अब रिट निवेदक र सरकारबीच ११ गते छलफल हुने भएको छ । अाजकाे अन्नपूर्ण पाेष्ट दैनिकमा खबर छ । अन्नपूर्णमा समाचार छ ।

«
Next
Newer Post
»
Previous
Older Post

No comments:

Leave a Reply