Ticker

6/recent/ticker-posts

पूर्वअर्थमन्त्री डा.लोहनीले गरे नयाँ पार्टी गठन

काठमाडौ, चैत ।
पूर्वअर्थमन्त्री डा. प्रकाशचन्द्र लोहनीले केशरबहादुर विष्टसँग मिलेर एकीकृत राष्ट्रिय प्रजातन्त्र पार्टी (राष्ट्रवादी) गठन गरेका छन् । यसको औपचारिक घोषणा बुधबार हुनेछ । बुधबार विहान पार्टी दर्ता गर्ने र दिउँसो पार्टी गठनको घोषणा गरिने प्रचार विभागका संयोजक महेश्वर रोकाले जानकारी दिए ।
 डा. लोहनीले हालै मात्र राप्रपा छाडेका थिए भने राप्रपासँगको एकता अघि नै राप्रपा नेपालले विष्टलाई कारबाही गरेको थियो । त्यसपछि राष्ट्रवादी प्रजातान्त्रिक समूह गठनको प्रयास गरेका विष्ट नयाँ पार्टीमा वरिष्ठ नेता हुनेछन् भने राप्रपा समानान्तर गठन गरेका गणेश शेरचन लोहनीको नयाँ पार्टीमा उपाध्यक्ष हुनेछन् ।
एकीकृत राप्रपा राष्ट्रवादीले राप्रपाको तत्कालीन झण्डा र चुनाव चिन्ह हलोलाई निरन्तरता दिने बताएको छ । ‘समोवशी राष्ट्रियता, बहुलवादी प्रजातन्त्र र प्रगतिशील उदारवाद’ को नारा दिएको यो पार्टीले सनातन हिन्दु राष्ट्र र एकताको प्रतिकका रुपमा संवैधानिक राजतन्त्रकै एजेण्डा अघि सारेको छ ।
पार्टी गठनको १० दिनभित्र देशभर पार्टी कार्यालय स्थापना गर्ने प्रचार विभागका संयोजक रोकाले जानकारी दिए ।

Post a Comment

0 Comments