Theme images by kelvinjay. Powered by Blogger.

Slider

Recent Tube

देश

प्रविधि

कला साहित्य

विदेश

खेल

फेसन

मड्रिड, बैशाख ।
ला लिगामा रियल मड्रिडले शानदार जित हासिल गरेको छ । रियल मड्रिडले ला लिगाको उपाधि होड जितसहित ट्रर्‍याकमा ल्याएको हो । गएको आइतबार भएको इएल क्लासिकोमा पराजित भएर धक्का लागेको रियल मड्रिडले लिग अन्तर्गत बुधबार राति भएको खेलमा डिप्रोटिभो डी लाकोरुनामाथि ६–२ को शानदार जित दर्ता गर्दै उपाधि होड ट्रर्‍याकमा ल्याएको हो । 
अवे मैदानमा रियल मड्रिडलाई जिताउन जेम्स रोड्रिग्वेजले दुई तथा अल्भारो मोराटा, लुकास भाजक्वेज, इस्को र कास्मेइरोले एक– एक गोल गरे । 
डिप्रोटिभोका लागि फ्लोरिन एनडन र जोसेलुले एक एक गोल गरे । क्रिष्टियानो रोनाल्डोलाई आराम दिइएको तथा चोटका कारण ग्यारेथ बेल मैदान बाहिर रहेको खेलमा ५४ औं सेकेण्डमा मोराटाको गोलबाट रियल मड्रिडले अग्रता लियो । १४ औं मिनेटमा रोड्रिग्वेजले गोल गर्दै अग्रता दोब्बर पारे । ३५ औं मिनेटमा एनडनले डिप्रोटिभोका लागि गोल गरे । यस्तै ४४ औं मिनेटमा भाजक्वेजले गोल गरेपछि पहिलो हाफमा रियल मड्रिडले ३–१ को अग्रता लियो । 
६६ औं मिनेटमा रोड्रिग्वेजले व्यक्तिगत दोस्रो गोल गरे । ७७ औं मिनेटमा इस्कोले गोल गरेपछि रियलको अग्रता ५–१ मा पुग्यो । ८४ औं मिनेटमा जोसेलुले डिप्रोटिभोका लागि गोल गरे । तर ८७ औं मिनेटमा कास्मेइरोले गोल गरेपछि रियल मड्रिड ६–२ ले विजयी भयो । जितपछि दोस्रो स्थानमा रहेको रियल मड्रिडको ३३ खेलबाट ७८ अंक भएको छ । एक खेल बढी खेलेको शीर्ष स्थानको बार्सिलोनाको पनि ७८ अंक नै छ ।
यसैबीच, बार्सिलोनाले स्पेनिस ला लिगामा आफ्नो अग्रता कायम राखेको छ । लिग अन्तर्गत बुधबार राति भएको खेलमा बार्सिलोनाले ओसासुनालाई ७–१ ले हराएर शीर्ष स्थानमा कायम रहेको हो । घरेलु मैदानमा भएको खेलमा बार्सिलोनालाई जिताउन लियोनल मेस्सीले, एण्ड्रे गोमोज र पाको अलकेसरले दुई दुई तथा मास्चेरानोले एक गोल गरे । ओसासुनाका लागि टोर्रेसले एक गोल फर्काए । १२ औं मिनेटमा मेस्सीले गोल गर्दै बार्सिलोनालाई सुरुवाति अग्रता दिलाए । ३० औं मिनेटमा गोमेजले गोल गरेपछि पहिलो हाफमा बार्सिलोनाले २–० को अग्रता लियो । ४८ औं मिनेटमा टोरेसले ओसासुनाका लागि एक गोल फर्काए । ५७ औं मिनेटमा गोमेज तथा ६१ औं मिनेटमा मेस्सीले व्यक्तिगत दोस्रो गोल गरेपछि बार्सिलोनाको अग्रता ४–१ मा पुग्यो । ६४ औं मिनेटमा अलकेसर तथा ६७ औं मिनेटमा पाएको पेनाल्टीमा मास्चेरानोले गोल गरेपछि बार्सिलोनाले ६–१ अग्रता लियो । ८६ औं मिनेटमा अलकेसरले व्यक्तिगत दोस्रो गोल गरेपछि बार्सिलोना ७–१ ले विजयी भयो ।

«
Next
Newer Post
»
Previous
Older Post

No comments:

Leave a Reply