Theme images by kelvinjay. Powered by Blogger.

Slider

Recent Tube

देश

प्रविधि

कला साहित्य

विदेश

खेल

फेसन

काठमाडौं– अभिनेता दीपक क्षेत्रीको उपचार थालिएको छ । उनको उपचारको लागि आवश्यक आर्थिक सहायता संकलन भैरहेको छ। सहायोगी हातहरु रोकिएका छैनन् । मंगलबारसम्म १० लाखभन्दा बढीको रकम जुटिसकेको बुझिएको छ । 
केहीदिन अघिदेखि क्षेत्रीको समेत अभिनय रहेको ‘राज्जा रानी’ फिल्म समूहले उहाँको उपचारार्थ आर्थिक सहयोग अभियान थालेको हो । त्यो भन्दा अघि बरिष्ठ पत्रकार बसन्तप्रकाश उपाध्यायले उहाँको दर्दनाक अवस्थालाई देखेर फेसबुकमा मनछुनेगरी ‘लेखेर केही हुँदैन त ? भन्दै लामै स्टाटस लेख्नुभएको थियो । कलाकार क्षेत्रीको यही स्टोरीबाट उनको आर्थिक सहायता जुटाउने अभियान अरुले पनि थालेका हुन् । त्यस लगत्तै पत्रकार उपाध्यायले फेरि अर्को लामै स्टाटस लेख्नुभएको थियो– खाता नभए पनि नाता जोडियो । उहाँको यो  स्टाटसको आसय थियो अब कलाकार क्षेत्रीको उपचार हुने भो । 
उहाँले लेख्नुभएको स्टाटस जस्ताको तस्तैः 

लेखेर केही नै हुँदैन त ?
‘आखिर यही हुनु र भोग्नु रहेछ । त्यही भोगिरहेछु ।’ मसिनो स्वर निकाल्दै कलाकार दीपक क्षेत्रीले भने ।
विगतमा एउट दमदार आवाज, जीवन्त अभिनय र खाइलाग्दो शरीर भएका कलाकारको रुपमा मैले चिनेका दीपकसँग आजको भेटमा त्यो भन्दा छुट्टै अवस्था थियो । ५६ वर्षे शरीरसँग सेता– कपाल, चाउरिएका गााल र थकित भोगाइ मात्रै थियो । मैले भनेः ‘थाक्नु भयो कि गल्नु भयो ?’
उनले भनेः ‘थोरै सुस्ताएको छु मित्र !’
चालीस सालको सेरोफेरोमा मैले चिनेको हुँ उनलाई । जतिखेर उनी पाँचतारे होटल अन्नपूर्णमा काम गर्दथ्ये । टाई–सुटमा ‘ट्वाक्...ट्वाक्...’ हिड्ने दीपकलाई दरवारमार्गको बैंग्लोर कफी हाउसमा कुरिरहेका हुन्थ्ये कैयौं अहिलेका नमी–दामी कलाकारहरुले । कफी र टफीदेखि साँझपखको रमझम र चियर्सको बील तीर्ने काम दीपकबाटै हुन्थ्यो । मैले विगत सम्झाउँदै वर्तमानको ‘समस्यामा’ सोधेँः ‘कुरो कहाँ विग्रियो दीपकजी ?’ उनले ग्लानिपूर्ण जवाफ दिएः ‘मैले ‘पैसा र समय दुबै चिन्न सकिँन ।’
एक हजार चार सय साठी दिनभन्दा बढी भएछ दीपकले पाँच लाखको समस्या व्यहोरेको । घाँटीभित्र मासु पलाएपछि ‘अप्रेसन’ गर्नुपर्ने वाध्यतामा उनी छन् । ‘सम्भवतः त्यो क्यान्सर पनि हुनसक्छ ।’ उनले भन्दै गए । ‘मैले यो चार वर्षमा हजार दिन विना निद्रा बिताएँ । डेढ वर्षदेखि हरेक रात रुन्छु । शायद आँसु सकिएला मेरो । तर मैले पैसा जुटाउन सकिँन ।’
साथी छन् उनका केही संस्थाका सदस्य छन् उनी । आर्थिक सहायता बाँड्छ बेलावखत सरकारले । तर समाउने मान्छे नभएपछि दीपकको ‘प्रेस्कीप्सन’ले औषधि पाएको छैन । उनले सुनाए एउटा वेदना । सञ्चारमन्त्री थिए शेरधन । उनीसँग सहयोग ‘माग्न’ सिंहदरवार पुगेँ । आफू मगन्तेको लघुताभासमा त्यहाँ पुगेको बखत शेरधनले भनm् महा मगन्ते स्वरुपमा भनेछन्ः ‘सञ्चारसँग पैसा छैन, अर्थलाई लेखि पठाइदिन्छु ।’
३९ वर्षदेखि रंगकर्म, टेलिफिल्म, भिडियो फिल्म हुँदै पछिल्लो संस्करणमा ‘झोला’ चलचित्रका यी नायकले त्यसपछि आफ्नो समस्याको ‘बोरा’ बोकेर कही हिँडेका छैनन् । उनी भन्छन्ः ‘अब ‘बैरो’ परिवेशलाई म मेरो कथा सुनाउँदिन ।’
एउटा दिन थियो– उनी भएका आम्दान खर्चेर सक्दथे । यस्तैमा एकपटक उनले सडक छेउमा ‘माग्न’ बस्नेलाई एक हजार दिएछन् । ऊ लगायत साथीहरु अचम्ममा परे । अनि दीपकले भनेछन्ः ‘हामीसँग रह्यो भने त्यो अहिल्यै सकिन्छ । ऊ सँग रह्यो भने कम्तिमा उसलाई महिना दिन त पुग्छ ।’
एउटा ‘विन्दास’ शैली, पृथ्वी नामक चलचित्रका दमदार ‘खलनायक’ अनि तर्क र तथ्यमा तटस्थ भोगाइ वकालत गर्ने उनको आनीबानी मैले राम्ररी बुझेको छु । उनी भन्दै थिएः ‘हुन त मैले आफँैले तय गरेको बाटा हो यो । केही पाए पनि केही नभए पनि मैले मेरो ‘साधन’ छोड्न सक्दिँन क्यार !’
पीडाका ‘रात’ छन् । कहरका थुप्रै ‘वात’ छन् । घात–प्रतिघात र संघातका ‘साथ’ छन् । त्यसलाई कोट्याउँदैनन् उनी । ‘विधाता’सँग एउटै गुनासो छ– जुन दमदार–आवाजको परिचय दीपक क्षेत्रीको थियो । त्यो लुटिएको छ यतिखेर । भन्छन्ः ‘मैले आफ्नो आवाज नै विर्सिसकेँ वसन्तजी ।’
झ्वाट्ट भेटको भावुक परिवेश थियो यो । मैले भनेः ‘केही लेखौ है ?’उनले भनेः ‘तीसौं वर्ष भयो तपाइहरुले लेखिरहेको । लेखेर हामीलाई केही हुन्छ र भन्या ?’
‘लेखेर केही हुन्छ–हुँदैन ? ‘यो प्रश्न मैले छाडेँ सबैका लागि....।


«
Next
Newer Post
»
Previous
Older Post

No comments:

Leave a Reply