Theme images by kelvinjay. Powered by Blogger.

Slider

Recent Tube

देश

प्रविधि

कला साहित्य

विदेश

खेल

फेसन

काठमाडौं– पारस खड्काको कप्तानीमा रहेको टिम चौराहा धनगढीले सर्वाधिक पुरस्कार राशीको सगरमाथा सिमेन्ट धनगढी प्रिमियर लिग (डीपीएल) क्रिकेटको उपाधि जितेको छ । धनगढीमा शनिबार भएको फाइनलमा शरद भेषवाकरको टिम विराटनगर किंग्सलाई ६२ रनले पराजित गर्दै चौराहाले उपाधि चुम्न सफल भएको हो ।
अञ्चल प्रहरी कार्यालयको मैदानमा चौराहाले दिएको १ सय ६० रनको लक्ष्य पछ्याएको विराटनगर १८ ओभर १ बलमा अलआउट हुँदै ९७ रनमा समेटियो ।

विराटनगरका लागि प्रनित थापा मगरले २७ तथा अमित श्रेष्ठले २६ रन जोडे । त्यस्तै विराटनगरका दिपेन्द्र सिहं एरी र अनिल शाहले समान १३ – १३ रन जोड्नु बाहेक अन्य ब्याट्सम्यानले दोहोरो अंकको न जोड्न सकेनन् । टिम चौरहाका लागि सुशन भारीले ३ तथा शौरभ खनालले २ विकेट लिए । यसअघि टस जितेर पहिले ब्याटिङ गरेको टिम चौराहाले निर्धारित २० ओभरमा ५ विकेट गुमाएर १ सय ५९ रन बनाएको थियो ।

तर, टिम चौराहाको सुरुवात भने खराब रह्यो । दुई ओपनर ब्याट्सम्यान राजु रिजाल र अनिल मण्डललाई मात्र ४ रनको स्कोरमा गुमाएको चौरहालाई कप्तान पारस खड्का, आरिफ शेख र अमरसिंह राउटेलाले उकासेका थिए । दुवैले पाँचौ विकेटका लागि ६३ रनको साझेदारी गरेका थिए । आरिफले ३० बलमा ५४ रनको अर्धशतकीय पारी खेले ।
कप्तान पारस खड्का आउट भएपछि क्रिजमा आएका अमरसिंह ३१ रनमा अविजित रहे । त्यस्तै कप्तान पारस २९ रन जोड्दा पृथु बास्कोटा र सौरभ खनालले समान १४–१४ रन जोडे । ओपनर रिजाल सुन्य रनमा आउट हुदा अर्का ओपनर मण्डल पनि २ रनमा पेभेलियन फर्किए । विराटनगरका सुशील कंडेलले दुई तथा जितेन्द्र मुखिया, सन्दिप लामिछाने र प्रकाश बिष्टले समान १–१  विकेट लिए ।

उपाधिसँगै टिम चौराहाले १५ लाख नगद पुरस्कार प्राप्त गरेको छ । उप–विजेतामा चित्त बुझाएको विराटनगरले ७ लाख रुपैयाँ हात पारेको छ । प्रतियोगिताको सुरुवाती ३ खेल गुमाएको पारसको टिम चौराहाले लिग चरणका अन्तिम २ खेल जित्दै प्लेअफमा मुस्किलले स्थान बनाएको थियो । त्यसपछि लगातार जित निकाल्दै चौराहाले उपाधि जित्न सफल भयो ।

चौराहाले एलिमिनेटरमा काठमाडौँ गोल्डेन्स र दोश्रो क्वालिफायरमा रुपन्देहीलाई पराजित गरेको थियो । यता, लिगको दोस्रो स्थानमा रहँदै प्ले अफमा स्थान बनाएको विराटनगरले पहिलो क्वालिफायरमा रुपन्देही च्यालेन्जर्सलाई पराजित गर्दै फाइनलमा स्थान बनाएको थियो ।

धनगढी क्रिकेट एकेडेमी र सुदूरपश्चिमाञ्चल एकेडेमीको संयुक्त आयोजनमा चैत २८ गतेबाट सुरु भएको चौथो संस्करणको डीपीएलमा ६ टोलिको सभागिता रहेको थियो ।

«
Next
Newer Post
»
Previous
Older Post

No comments:

Leave a Reply