एजेन्सी, जेठ ।
राइजिङ पुणे सुपरजाइन्टस् इन्डियन प्रिमियर लिग (आइपिएल) क्रिकेटको फाइनलमा पुगेको छ । लिग अन्तर्गत मंगलबार राति भएको पहिलो क्वालिफायरमा मुम्बई इन्डियन्सलाई २० रनले हराउँदै पुणेले फाइनलमा स्थान बनाएको हो ।
एक सय ६३ रनको लक्ष्य पछ्याएको मुम्बईले निर्धारित ओभरमा ९ विकेट गुमाएकार एक सय ४२ रन मात्रै बनायो । उसका लागि पार्थिव पटेलले ५२ रनको योगदान दिएपनि हार टार्न सकेनन् । पुणेका वासिङ्टन सुन्दर र शार्दुल ठाकुरले तीन तीन विकेट लिए । यसअघि पहिले ब्याटिङ गरेको पुणेले चार विकेटको क्षतिमा एक सय ६२ रन बनायो ।
पुणेका लागि भारतीय टीमका पूर्व कप्तान महेन्द्र सिंह धोनीले २६ बलमा ४० रनको योगदान दिए । उनले ५ छक्का प्रहार गरेका थिए । उनको यो धुवाँदार प्रदर्शन टिमको जितका लागि महत्वपूर्ण बन्यो । यस्तै पुनेका लागि मनोज तिवारीले ५८ र अजिन्क्या रहानेले ५६ रनको योगदान गरे ।
0 Comments