Theme images by kelvinjay. Powered by Blogger.

Slider

Recent Tube

देश

प्रविधि

कला साहित्य

विदेश

खेल

फेसन

काठमाडौं– स्थानीय तहको निर्वाचनमा नेपाली कांग्रेसले काठमाडौं उपत्यका लगायतमा अपेक्षाकृत परिणाम हासिल गर्न नसकेपछि अब दोस्रो चरणको चुनावमा ध्यान केन्द्रित गरेको छ । 

पहिलो चरणको चुनावमा अपेक्षाकृत परिणामा नआउनुमा उम्मेदवार छनौटमा नै कमजोरी भएको कांग्रेसवृत्तमा चर्चा शुरु भएसँगै अब उसले आक्रामक रणनीतिका साथ अघि बढ्ने योजना बुनेको छ । कांग्रेस स्रोतले दिएको जानकारी अुनसार दोस्रो चरणको चुनावका लागि जेठ १२ गतेसम्म सम्पूर्ण क्षेत्रको उम्मेदवारको टुंगो लगाउनेछ ।

‘पहिलो चरणका उम्मेदवार टुंगो अलि ढिला भयो । यसपटक समयमै उम्मेदवार चयन हुनेछन् ।’ प्रचार प्रसार संयोजक रमेश लेखकले भने– 'समयमा उम्मेदवार नतोकिँदा मनोनयनकै दिनसम्म कांग्रेस कार्यकर्ताहरु अन्यौलमा परेका थिए ।' 

काठमाडाैंमा त झन कांग्रेसले उम्मेदवारको मनोनयन गर्ने दिन वैशाख १९ गते मात्र मेयरको उम्मेदवारको टुङ्गो लगाएको थियो ।

काठमाडौं कांग्रेस किन कमजोर ? 

संविधान सभाको दोस्रो चुनावमा काठमाडौं उपत्यकामा बलियो पटक जमाएको कांग्रेसले स्थानीय निकायको चुनावमा ठूलै हण्डर खानुप¥यो । अन्यत्र भन्दा पनि सबैभन्दा बढी आशा राखिएको क्षेत्र त्यो पनि काठमाडौं महानगरमा नै । 

यसका पछाडि अनेक कारण छन् –केहीले आफूहरुका भोट नवगठित साझा पार्टी र विवेकशील पार्टीले काटेको तर्क गरिरहेका छन् । कांग्रेसका भोट विवेकशील र साझा पार्टीलाई गएको विश्लेषण गर्ने हो भने उपमेयरकी कांग्रेस उम्मेदवार हरिप्रभा खड्गीको भोट कसरी बढी आयो ? उनको झण्डै १० हजार मतको अग्रता छ । 

यहाँनिर कांग्रेसले काठमाडौं महानगरलाई आफ्नो पकट क्षेत्र हो भन्ने भ्रम पाल्नु नै सबैभन्दा ठूलो भूल भएको देखिन्छ । जनता सधैँ एकैनास हुँदैनन्, उनीहरुको जनमत जित्नका लागि त्याग, तपस्या र समर्पण कांग्रेसले बुझ्न सकेन । 

आन्तरिक गृहकार्य नै कमजोर हुनु र मेयर छनोटमा देखिएको अपारदर्शीताको परिणाम पनि हो ।  पार्टी भित्रको गुटबन्दीका कारण काठमाडौंमा काग्रेसको संगठन अस्तव्यस्त रहेको स्थानीय नेताहरु नै स्वीकार्छन् । 

राजनीतिक विश्लेषक डा. भोला पन्तका अनुसार कांग्रेसले चुनावको प्रचारका क्रममा वर्तमान सरकारले गरेका राम्रो काम समेतलाई चर्चा गर्न सकेन । उहाँले थप्नुभयो– ‘फेरि अन्तरपार्टी समस्यामा कांग्रेस अल्झनु हुन्न’  कांग्रेले अब विगतको कमजोरी हटाउनुपर्छ र लोकप्रिय उम्मेदवारलाई टिकट दिनुपर्छ । उहाँका अनुसार पार्टीको जिल्ला र क्षेत्रको नेतृत्व गर्नेहरु नै उम्मेदवार बन्दा धेरै समस्या देखिएको छ ।

वास्तवमा आफ्ना उम्मेदवारको प्रचारप्रसार र पार्टीको घोषणापत्र बुझाउँदै हिड्नुपर्ने नेताहरु उम्मेदवार बन्दा धेरै ठाउँमा समस्या देखिएको कांग्रेसका नेताहरु नै स्वीकार्छन् । विश्लेषक डा. पन्त भन्नुहुन्छः ‘नेतृत्वमा बस्ने आफैले धेरै ठाउँमा समय दिन नसकेको गुनासा धेरै ठाउँबाट आइरहेको छ ।’ 

«
Next
Newer Post
»
Previous
Older Post

No comments:

Leave a Reply