प्रधानमन्त्री चयनको निर्वाचन भोलीःदेउवाको पक्षमा झण्डै दुई तिहाइ सांसद

काठमाडौ, जेठ ।

प्रधानमन्त्रीमा उम्मेदवारी दिएका कांग्रेस सभापति शेरबहादुर देउवाको पक्षमा झण्डै दुई तिहाइ मत पुगेको छ । नौ दलले समर्थन गर्दा उनको पक्षमा ३ सय ८८ मत जुटिसकेको छ । संसदमा अहिले ५ सय ९३ सदस्य छन् । दुई तिहाइका लागि ३ सय ९६ मत आवश्यक पर्छ । देउवाको पक्षमा दुई तिहाइ पुग्न अब ८ मत मात्रै कम छ ।

देउवाको पक्षमा रहेका दलहरु

नेपाली कांग्रेस– २०७ सांसद

नेकपा माओवादी केन्द्र– ८२ सांसद

राप्रपा– ३७ सांसद

संघीय समाजवादी– १५ सांसद

लोकतान्त्रिक फोरम– १७ सांसद

नेकपा संयुक्त– ३ सांसद

समाजवादी जनता पार्टी– १ सांसद

अखण्ड नेपाल– १ सांसद

राजपा नेपाल– २५ सांसद

तर,नेकपा एमालेको संसद अबरोधका कारण हिजो हुने भनिएको प्रधानमन्त्रीको चयन हुन सकेन् । भरतपुर मतगणनाको विषयलाई लिएर एमालेले संसद अबरोध गर्ने जनाउ दिएपछि बैठक नै नबसि सुचना टाँसेर संसद बैठक मंगलबार दिउँसो १ बजेसम्मको लागि स्थगित भएको छ । मंगलबार दिउँसो १ बजे बस्ने बैठकले प्रधानमन्त्री चयन गर्नेछ ।