धेरै बाेल्दिन काम गरेर देखाउँछुः मन्त्री बलायर

काठमाडौं, १२ साउन । नवनियुक्त भौतिक पूर्वाधार तथा यातायात मन्त्री वीरवहादुर बलायरले मन्त्रालयको कामलाई प्रभावकारी बनाउन आफू लागि पर्ने प्रतिवद्धता व्यक्त गर्नु भएको छ ।

नवनियुक्त मन्त्री बलायरले  मन्त्रालयको कार्य सम्पादनका लागि आफू चौविसै घण्टा खटन तयार रहेको पनि स्पष्ट पार्नु भयो । बुधबार अपरान्ह सिंहदरबारस्थित मन्त्रालयमा पदभार ग्रहण गरेलगत्तै उहाँले भन्नुभयो– ‘म धेरै ठूला कुरा गर्दिन समय कम छ काम गरेर देखाउछु । पञ्चायत कालदेखी हत्केलामा जिन्दगी राखेर  हिडेको मानिस अब काम गर्ने वेला आयको छ काम गरेरै देखाउछु ।’

प्रधानमन्त्रीले दियको निर्देशनलाई पालना गराउन खाल्डा खुल्डी  पुरेर १ हप्ता भित्र परिबर्तन देखाउने प्रतिवद्धता व्यक्त गर्नुभयो । ‘काममा कोही कसैसँग सम्झौता गर्दिन, दुःख दियर कसैलाइ सरुवा गर्दैन अटेर र लापरबाही गर्नुभयो भने  त्यसको परिणाम तत्तकाल प्राउनु हुनेछ ,’ मन्त्री बलायरले भन्नुभयो ठिक समयमा ठिक निर्णय लिन पनि आफू सचेत हुनेछु ।’

हिजोसम्म सार्वजनिक यातायात र स्कुटरमा सवार गर्ने मन्त्री बलायरले यातायात मन्त्रालयको जिम्मेवारी पाएसँगै यस क्षेत्रमा देखिने समस्याहरु प्राथमिकताका आधार निराकरण गर्ने प्रतिवद्धता दोहो¥याए ।

को हुन् बलायर ?

०४६ सालको जनआन्दोलनताका वीरवहादुर बलायतर निकै चर्चित विद्यार्थी नेता थिए । प्रधानमन्त्री शेरबहादुर देउवानिकट बलायर कांग्रेसको जिल्ला सभापति भए । ०६४ सालमा टिकट पाए पनि उनले चुनाव जित्न सकेनन् । ०७० मा डोटी १ बाट प्रत्यक्ष निर्वाचित भएका बलायर कांग्रेस केन्द्रीय सदस्य पनि हुन् ।

रमेश लेखक र एनपी साउदहरुको दबदबा रहेको देउवा क्याम्पमा सुदूरपश्चिमबाट यसपटक बलायरले मौका पाएका हुन् । प्रधानमन्त्री देउवाका साथै देउवा पत्नी आरजुको पनि विश्वासपात्र रहेकाले बलायरलाई भौतिक पूर्वाधार मन्त्रालयको जिम्मेवारी दिइएको हो । डोटीको लाटामाडौंमा ०२२ साल भदौ ४ गते जन्मेका बलायर गणितका विद्यार्थी हुन् ।