नेपाल जलवायु परिवर्तनको अति जोखिममा रहेको र असर समुदायमा बढी पर्ने भएकाले तालिम थालिएको सबल कार्यक्रमका वरिष्ठ व्यवस्थापक मानबहादुर विकले जानकारी दिनुभयो । विपद्को बेला भएकाले न्युनीकरणका लागि मानवीय स्रोत व्यवस्थापनका लागि दक्ष प्रशिक्षक आवश्यक पर्ने भएकाले तालिम दिएको उहाँको भनाई छ । तालिममा विपद् जोखिम न्युनीकरणबारे विज्ञ सुनिलसन शाक्य, जलवायु परिवर्तन अनुकूलनबारे विज्ञ प्रदीप बूढाथोकी, जनसंख्या तथा वातावरण मन्त्रालय, संघीयमामिला तथा स्थानीय विकास मन्त्रालय, वन तथा भू–संरक्षण मन्त्रालयका उप र सहसचिवले सम्बन्धित विषयमा भैरहेका काम, नीतिगत व्यवस्था लगायतबारे प्रशिक्षण दिनेछन् ।
विश्वका १ सय ९८ मुलुकमध्ये नेपाल भूकम्पीय जोखिमका हिसाबले ११ औं, पानीजन्य प्रकोपका हिसाबले ३०औं, जलवायुजन्य जोखिमका हिसाबले चौथो स्थानमा छ । तालिम पश्चाद् सिकेका उपलब्धि भोलिका दिनमा सम्बन्धित जिल्लामा गएर चलाउन सकिने भएकाले तालिममा सहभागी भएको सहभागीहरुले जनाएका छन । तालिम शनिबार सम्पन्न हुनेछ ।
0 Comments