Theme images by kelvinjay. Powered by Blogger.

Slider

Recent Tube

देश

प्रविधि

कला साहित्य

विदेश

खेल

फेसन

काठमाडौं, ३० असार । नेपाली कांग्रेसका संस्थापक नेता रामहरी जोशीको निधन भएको छ । ग्रान्डी अन्तर्राष्ट्रिय अस्पतालमा उपचारका क्रममा उनको विहीबार राति निधन भएको हो । ९३ वर्षका जोशी नेपाली कांग्रेसका संस्थापकमध्येका हुन् ।

अल्का अस्पतालमा उपचार गराइरहेका जोशीलाई केहीदिन अघि ग्रान्डी अस्पतालमा लगिएको थियो । गान्धीवादी नेताका रुपमा परिचित जोशी सर्लाहीबाट २ पटक सांसद बनेका थिए । उनी शिक्षा र पर्यटनमन्त्री पनि बनेका थिए । प्रधानमन्त्री शेरबहादुर देउवाले ट्विटमार्फत समवेदना प्रकट गरेका छन् ।

केही वर्षयता ब्रोङकाइटिस, श्वासप्रश्वास, पिसाबलगायतका समस्याले ग्रस्त ९२ वर्षीय जोशीको पछिल्लो समय निमोनिया बिग्रेको थियो । उनी ७ असारमा अस्पताल भर्ना भएका थिए । २१ असारसम्म ललितपुरको अल्का अस्पतालमा उपचार गरेका उनलाई एक साताअघि ग्रान्डीमा भर्ना गरिएको थियो । भतिजा विष्णुका अनुसार केही समयता जोशीको स्मरण शक्ति पनि कमजोर बन्दैै गएको थियो । 

मिर्गौला र फोक्सोमा समेत असर देखिएपछि भेन्टिलेटरमा राखेर उनको उपचार भइरहेको थियो । प्रधानमन्त्री तथा कांग्रेस सभापति शेरबहादुर देउवाले संस्थापक नेता जोशीको निधनले आफूलाई दुःखी बनाएको सामाजिक संजालमा लेखेका छन् । 

जोशीको पार्थिव शरीर शुक्रबार बिहान श्रद्धाञ्जलीका लागि केन्द्रीय कार्यालयमा राखिनेछ । शुक्रबार नै पशुपति आर्यघाटमा दाहसंस्कार गर्ने तयारी रहेको भतिजा विष्णुले बताए ।

«
Next
Newer Post
»
Previous
Older Post

No comments:

Leave a Reply