Theme images by kelvinjay. Powered by Blogger.

Slider

Recent Tube

देश

प्रविधि

कला साहित्य

विदेश

खेल

फेसन

काठमाडौं, साउन आफ्नै प्रयासमा एक दर्जन चलचित्रहरु बजारमा ल्याएका पुराना अभिनेता तथा नायक रोजन रखाल अहिले आफ्नो पछिल्लो चलचित्र अन्डर नाइन्टिको तीव्र प्रचारप्रसारमा जुटेका छन् । उनी पूर्वी नेपालको विभिन्न ठाउँमा चलचित्र ‘पेशा’को छायांकन सकेर प्रदर्शनको पर्खाइमा रहेको अन्डर नाइन्टिनको प्रचारमा जुटेका हुन् । 


चलचित्रका अर्का निर्माता तथा नायक केदार ढुंगाना हालै बेलायतमा सम्पन्न राष्ट्रिय बक्स अफिस फिल्म फेयर अवार्डमा सहभागी भई फर्किएर चलचित्रको प्रमोसनमा जुटेका हुन् । बक्स अफिस अवार्डमा उनले मौलिक चलचित्र लाले निर्माण गरेबापत उलने राष्ट्रिय बक्स अफिस फिल्म फेयर अवार्डबाट सम्मानित भएका थिए । यसलाई उनले आफ्नो जीवनकै महत्वपूर्ण सम्मानको रुपमा लिएको बताए । 

 निर्माता केदार र अर्का नायक रोजन रखालको अभिनय तथा निर्माण रहेको चलचित्र ‘अन्डर नाइन्टिन’ भाद्र २३ देखि अल नेपाल रिलिज हुँदैछ । यस चलचित्रमा केदारले धनी बाउको बिग्रेको छोराको भूमिका निर्वाह गरेका छन् । त्यसो त निर्माण सम्पन्न भएको लामो समय पछि यो फिल्म दर्शकमाझ आउन लागेको हो । यसै फिल्म मार्फत नायिका रजनी केसीले डेव्यू गरेकी थिइन् । तर बिडम्बना फिल्म समयमै रिलिज हुन नसकेपछि उनले छविराज ओझा निर्मित फिल्म ‘लोफर’ लाई नै आफ्नो डेव्यू फिल्मको रुपमा चिनाउँदै आएकी छिन् । चलचित्रमा रजनी सँगै अर्की नायिका शुभेच्छा थापाको पनि अभिनय रहेको छ । प्राय फिल्ममा हट सिनका कारण चर्चामा रहने थापाको ‘अन्डर नाइन्टिन’ मा चाहि कस्तो खालको उपस्थिती रहेको छ त रु यो कुरा हामीले निर्माता तथा कलाकार केदारलाई सोध्दा उनले चलचित्र मनोरञ्जनको प्याकेज रहेको भन्दै सबैलाई पच्ने खालकै दृश्य भएको बताए ।

‘अन्डर नाइन्टिन उमेर बैशालु’ टिनएज वेस चलचित्र रहेको कलाकार केदारको भनाइ छ । धनी बाउको छोरा जो पटक–पटक फेल भएर एउटै कक्षामा पढ्छ उक्त चरित्र आफूले निर्वाह गरेको बताउने केदारले यो रोल गर्दा कलेज लाइफ मिस गरेको बताए । आखिर रिलिज ढिलो हुनुको कारण के हो त रु उनी अगाडि थप्छन् ‘खास यो फिल्म तीन जना मिलेर निर्माण गरेका हौ । म, रोजन रखाल र हिमाल मल्ल । बीचमा साथीभाईबीच केही मन मुटाव सिर्जना भयो यसले गर्दा रिलिज ढिलो हुन गएको हो ।’ ढिलो पनि यस्तो भइदियो कि चलचित्रको अण्डर नाइन्टिन छ पर्दा र पोष्टरमा हेर्दा सबै पाका देखिन्छन् । 

तर पनि टिनएज् टार्गेट गरिएको फिल्मलाई दर्शकले रुचाउने उनको विश्वास छ । शिव घिमिरे निर्देशित चलचित्रमा केदार ढुंगाना, शुभेच्छा थापा, रोजन रखाल, रजनी केसी लगायतको अभिनय रहेको छ । टिकाराम रखाल मगरको लेखन रहेको चलचित्रमा प्रदीप खड्काको द्धन्द्ध, टंक बुढाथोकी र राजेन्द्र श्रेष्ठको संगीत, प्रवल प्रधानको सम्पादन रहेको छ । राजधानीमा नायक निर्माता केदार चलचित्र प्रमोसनमा लागेका छन् भने अर्का नायक रोजन आफ्नो नयाँ चलचित्र पासाको छायांकनमा व्यस्त छन् । 

हिमाल मल्लको समेत लगानी रहेको चलचित्र अण्डर नाइन्टिनबाट केदार र रोजनले आफू चलचित्रबाट निकै आशावादी रहेका बताएका छन् ।

«
Next
Newer Post
»
Previous
Older Post

No comments:

Leave a Reply